ஸ்டாலின் முதல்வராகலாம்: சரத்குமார்

நாகர்கோயில்:

ஸ்டாலின் முதல்வராவதில் தவறு எதுவும் இல்லை என நடிகர் சரத்குமார் கூறியுள்ளார்.

வரவிருக்கும் தமிழக சட்டசபை தேர்தலில் தி.மு.க.தலைமையிலான கூட்டணியை ஆதரித்து நடிகர் சரத்குமார்பிரசாரம் செய்து வருகிறார்.

கன்னியாக்குமரியில் நடந்த தேர்தல் பிரசார பொதுக்கூட்டத்தில் அவர் பேசுகையில், ஜெயலலிதாவின் வேட்புமனுநிராகரிக்கப்பட்டதால் அவருக்கு ஆதரவான அனுதாப அலை எதுவும் வீசவில்லை.

வேட்புமனு நிராகரிக்கப்பட்ட விஷயத்தில் ஜெயலலிதா கூறும் கருத்துக்கள் நீதிமன்றத்தை அவமதிப்பதாகஇருக்கிறது.

சென்ற 5 ஆண்டுகளில் யாரும் குறை சொல்ல முடியாத வகையில் சிறந்த ஆட்சியை முதல்வர் கருணாநிதிகொடுத்திருக்கிறார். எனவே நடைபெறவிருக்கும் சட்டசபை தேர்தலிலும் தி.மு.க. கூட்டணியே மகத்தான வெற்றிபெறும்.

எனது ரசிகர் மன்றம் முழுவதும் தி.மு.கவுக்கு ஆதரவு அளிக்க வேண்டும். இதை மீறுபவர்கள் மீது நடவடிக்கைஎடுக்கப்படும்.

ஸ்டாலின் முதல்வராக வருவாரா என நான் கருத்து கூற விரும்பவில்லை. தகுதி இருந்தால் ஸ்டாலின் முதல்வராகவருவதில் எந்த தவறும் கிடையாது.

அழகிரியின் பிரச்சனையால் மதுரையில் தி.மு.க.கூட்டணியின் வெற்றி வாய்ப்புக்கு எந்த விதமான பாதிப்பும்ஏற்படாது.

இது குடும்ப பிரச்சனை. அழகிரி தி.மு.கவுக்கு எதிராக வாக்களிக்குமாறு கூறவில்லை. தி.மு.க.கூட்டணியில்இணைந்திருப்பவை ஜாதிக் கட்சிகள் இல்லை. இவை தேர்தலுக்குப் பின் ஜனநாயக கட்சியாக மாறிவிடும் என்றார்.