மதுரையில் போலீஸ்காரரிடம் கொள்ளை

மதுரை:

மதுரையில் போலீஸ்காரர் ஒருவரைக் கத்தியால் குத்தி, அவரிடமிருந்த தங்க செயின், வாட்ச் ஆகியவற்றைக் கொள்ளையடித்துச்சென்ற 4 பேரைப் போலீசார் தேடி வருகின்றனர்.

பாண்டி என்ற அந்தப் போலீஸ் ஏட்டு, ஞாயிற்றுக்கிழமை இரவு தன் மொபெட்டில் வீடு திரும்பிக் கொண்டிருக்கும் போது, 4 பேர்கொண்ட ஒரு கும்பல் அவரை வழி மறித்தது.

அவரை மிரட்டி, அவரிடமிருந்த பொருட்களைத் தருமாறு மிரட்டியது. அவர் மறுக்கவே, அவருடைய வயிற்றில் கத்தியால்குத்தினர்.

பின்னர் பாண்டியின் கழுத்திலிருந்த 3 பவுன் தங்கச் செயினையும் கையிலிருந்த வாட்ச்சையும் கழற்றிக் கொண்டு ஓடி விட்டனர்.

கத்திக் குத்தால் படுகாயமடைந்த பாண்டி, அரசு மருத்துவமனையில் சேர்க்கப்பட்டார்.

போலீசார் வழக்குப் பதிவு செய்து, குற்றவாளிகளை வலைவீசித் தேடி வருகிறார்கள்.

யு.என்.ஐ.