விமான நிலையம் இன்று திறப்பு

கொழும்பு:

விடுதலைப் புலிகளின் தாக்குதலால் மூடப்பட்ட கொழும்பு சர்வதேச விமான நிலையம் இன்று (புதன்கிழமை) முதல்மீண்டும் இயக்கப்படும் எனத் தெரிகிறது.

விமான நிலையத்தை சீரமைக்கும் பணி நேற்று மாலை தொடங்கியது. எரிந்த விமானங்கள் விமானநிலையத்திலிருந்து அப்புறப்படுத்தப்பட்டன.

சேதமைடந்த கண்ட்ரோல் டவர் உள்ளிட்ட பகுதிகள் சீரமைக்கப்பட்டு வருகின்றன. எரிந்துபோன பெட்ரோல்சேமிப்பு கிடங்குகள் அணைக்கப்பட்டுள்ளன.

இன்றே விமான நிலையத்தைத் திறந்துவிட வேண்டும் என்று ராணுவத்துக்கு அதிபர் சந்திரிகா உத்தரவிட்டுள்ளார்.

இதனால், சென்னை, திருவனந்தபுரம், மாலத் தீவுகளுக்குத் திருப்பிவிடப்பட்ட விமானங்கள் அனைத்தும் இன்றேகொழும்பு திரும்பும் எனத் தெரிகிறது.