சென்னையில் திருட்டு வி.சி.டி. தொழிற்சாலை கண்டுபிடிப்பு

சென்னை:

சென்னை கொடுங்கையூர் பகுதியில் போலீசார் நடத்திய திடீர் சோதனையில், வி.சி.டிக்கள் தயாரிக்கும் 2 ரகசியதொழிற்சாலைகள் கண்டுபிடிக்கப்பட்டன.

சமீபத்தில் வெளிவந்த நரசிம்மா, லவ்லி போன்ற படங்களின் வி.சி.டி.க்கள் பர்மா பஜாரில் கிடைத்த தகவல்அறிந்ததும் போலீசார் அங்கு சென்று விசாரணை நடத்தினர். அப்போது, சென்னை நகரிலேயே இந்தத் திருட்டுவி.சி.டிக்கள் தயாரிக்கப்டுவது தெரிந்தது.

இதையடுத்து சென்னை வடபகுதி இணை கமிஷனர் சைலேந்திரபாபு தலைமையில் தனி போலீஸ் படைஅமைக்கப்பட்டது. விரைந்து செயல்பட்ட இந்தப் போலீஸ் படையினர், கொடுங்கையூ-மகாகவி பாரதி நகரில்உள்ள ஒரு வீட்டில் அதிரடி சோதனை நடத்தினர்.

அப்போது அந்த வீட்டுக்குள்ளேயே வி.சி.டிக்கள் தயாரிக்கப்படுது தெரிந்தது. இதையடுத்து தொழிற்சாலையைநடத்திவந்த இதயத்துல்லா என்பவரைக் கைது செய்தனர். அங்கிருந்த 4 லட்சம் மதிப்புள்ள கம்ப்யூட்டர்கருவிகளையும் போலீசார் பறிமுதல் செய்தனர்.

அதே பகுதியில் விவேகாநந்தா நகரைச் சேர்ந்த பாலாஜி வீட்டிலும் ஒரு திருட்டு வி.சி.டி. தொழிற்சாலைகண்டுபிடிக்கப்பட்டது. இதையடுத்து, பாலாஜியையும் போலீசார் கைது செய்தனர்.

இந்த 2 பேர் மீதும் போலீசார் வழக்குப் பதிவு செய்து விசாரணை நடத்தி வருகிறார்கள்.