கார் மாறியது, கலர் மாறியது, காட்சி மாறுமா?
சென்னை:
முதல்வர் ஜெயலலிதா தனது கார், அதன் கலர் மற்றும் நம்பரை மாற்றியுள்ளார்.
முதல்வர் ஜோதிடத்தில் அதீத நம்பிக்கை கொண்டவர் என்பது அரசியல் வட்டாரங்களுக்கும், பொது மக்களும்தெரிந்த ஒன்று. கட்டும் புடவையின் நிறம் முதல், பயன்படுத்தும் காரின் நிறம் வரை அனைத்திலும் சென்டிமெண்ட்பார்ப்பவர். அவர் இதுவரை பணன்படுத்தி வந்த கார் மெரூன் கலர் டாடா சியர்ரா. அதன் எண் டி.என்.01 ஈ 0099.
நேற்று (சனிக்கிழமை) காவேரி நதி நீர்ப் பிரச்சனை தொடர்பாக நடந்த அனைத்துக் கட்சிக் கூட்டத்துக்கு முதல்வர்வரும் போது அவருடைய கார் மாறியிருந்தது. அதே டாடா சியர்ரா கார்தான். ஆனால் அதன் நிறம் சில்வர், நம்பர்டி.என். 09 ஏஏ 4777.
இதே எண்ணைத் தான் முன்னாள் முதல்வரும், ஜெயலலிதாவின் அரசியல் ஆசானுமான எம்.ஜி.ஆர். பயன்படுத்திவந்தார். இந்த எண் அவர் முதல்வராக பதவியேற்றுக் கொண்ட 4ம் தேதி, ஜூலை மாதம், 1977ம் ஆண்டைக்குறிக்கும்.
இப்போது அதே நம்பரை ஜெயலலிதாவும் தனது காருக்கு வைத்துள்ளார். தற்போது தன் மீதுள்ள வழக்குகள்தனக்கு சாதகமாக இல்லாத நிலையில், ஜோதிடர்களின் அறிவுரைப்படி இந்த மாற்றத்தை ஏற்படுத்தியுள்ளதாகமுதல்வருக்கு நெருக்கமான வட்ாரங்கள் தெரிவிக்கின்றன.
காரும், கலரும் மாறினால் காட்சியும் மாறும் என்று ஜோதிடர்கள் அடித்துக் கூறியதன் அடிப்படையில் இந்த மாற்றம்நிகழ்ந்துள்ளதாகவும் கூறப்படுகிறது.