மீரா நாயர் படத்துக்கு வெனிஸ் திரைப்பட விருது

வெனிஸ்:

வெனிஸ் நகரில் நடந்த திரைப்பட விழாவில் இந்தியாவைச் சேர்ந்த மீரா நாயர் இயக்கிய "மான்சூன் வெட்டிங்"என்ற திரைப்படம் சிறந்த படமாகத் தேர்வு செய்யப்பட்டது.

"பயர்", "எர்த்" மற்றும் "காமசூத்ரா" போன்ற சர்ச்சைக்குரிய படங்களை இயக்கி அவற்றை வெற்றிபெறவும் வைத்தவர்பெண் டைரக்டர் மீரா நாயர்.

இவர் சமீபத்தில் இயக்கிய "மான்சூன் வெட்டிங்" என்ற படம், இந்தியாவில் பஞ்சாப் மாநிலத்தில் நடைபெறும்திருமண முறைகளைப் பற்றியது.

ஒரு மாத காலத்தில் எடுக்கப்பட்ட இந்தப் படம் கடந்த சில மாதங்களுக்கு முன்பு "கேன்ஸ்" என்ற நகரத்தில் நடந்ததிரைப்பட விழாவிலும் பரபரப்பாகப் பேசப்ட்டது.

தற்போது, வெனிஸ் நகரத்தில் நடந்த விழாவிலும் இந்தப் படம் பங்கேற்றது. அதில் சிறந்த படமாகத் தேர்வுசெய்யப்பட்டு தங்கத்தாலான சிங்க உருவம் பொறித்த "ஷீல்டை" வென்றுள்ளது.

"இந்த விருது இந்தியாவுக்காக, எனது பெருமைக்குரிய நாட்டிற்காக கிடைத்த அங்கீகாரம்" என்று பெருமையுடனும்சந்தோஷத்துடனும் கூறினார் மீரா நாயர்.