வாணியம்பாடியில் கருணாநிதியின் பிரச்சார வேட்டை

சென்னை:

வாணியம்பாடி தொகுதியில் போட்டியிடும் பாடகர் நாகூர் ஹனீபாவை ஆதரித்து திமுக தலைவர் கருணாநிதி தனது பிரச்சாரத்தை 21ஆம்தேதி வாணியம்பாடியில் தொடங்குகிறார்.

இது குறித்து திமுக எம்.எல்.ஏ துரைமுருகன் கூறியதாவது:

திமுக சார்பில் வாணியம்பாடி தொகுதியில் நாகூர் ஹனிபா போட்டியிடுகிறார். அவரை ஆதரித்து திமுக தலைவர் கருணாநிதி 21, 22தேதிகளில் வாணியம்பாடியில் பிரச்சாரம் செய்ய இருக்கிறார்.

21ஆம் தேதி மாலை 5 மணிக்கு தனது தேர்தல் பிரச்சாரத்தை தொடங்குகிறார். 5 மணிக்கு கலந்தராவில் தொடங்கி, 5.30 க்குபெத்தவேப்பம்பட்டு, 6 மணிக்கு முல்லை, 6.30 மணிக்கு நிம்மியம்பட்டு வரை வேனின் மூலம் பிரச்சாரம் செய்கிறார். இரவு 7 மணிக்குஆலங்காயம் பொது கூட்டத்தில் பிரச்சார உரை நிகழ்த்துவார்.

பின்னர் 8.30 மணிக்கு வெள்ளக்குட்டையில் பிரச்சாரம் முடித்துவிட்டு, மீண்டும் 9 மணிக்கு ஆம்பூரில் நடக்கும் பிரச்சாரப் பொதுக்கூட்டத்தில் பேசுவார்.

மீண்டும் 22ஆம் தேதி மாலை 5 மணிக்கு, சான்றோர் குப்பத்தில் வேன் மூலம் தன் பிரச்சாரத்தை துவக்குகிறார். பின்னர், பெரியாங்குப்பம்பொதுக்கூட்டத்தில் பேசிவிட்டு, ஆலாங்குப்பம், மாராப்பட்டு, கிரிசமுத்திரம், வளையாம்பட்டு ஆகிய இடங்களில் பிரச்சாரத்தைதொடர்கிறார். இறுதியாக, வாணியம்பாடியில் நடக்கும் பிரச்சார கூட்டத்தில் உரை நிகழ்த்துகிறார் என்றார் துரைமுருகன்.