For Daily Alerts
Just In
பிரபல பாடகி ஜிக்கியின் புற்றுநோய் சிகிச்சைக்கு ஜெ. நிதியுதவி
சென்னை:
புற்று நோயால் பாதிக்கப்பட்டுள்ள அக்காலத்திய பிரபலமான பாடகி ஜிக்கிக்கு முதல்வர் ஜெயலலிதா ரூ. 1 லட்சம்நிதியுதவி அளித்தார்.
மிகப் பிரபலமான பாடகியாக விளங்கியவர் ஜிக்கி. தமிழில் தனது தேன் குரலில் நூற்றுக்கணக்கான பாடல்களைப்பாடியவர் இவர்.
ஆனால், சமீப காலமாக அவர் கடும் புற்று நோயால் பாதிக்கப்பட்டுள்ளார். சிகிச்சைக்கு போதிய நிதியும் இல்லாமல்சிரமப்பட்டு வருகிறார்.
இது குறித்து தகவல் அறிந்த ஜெயலலிதா உடனே அவருக்கு உதவ உத்தரவிட்டார்.
எம்.ஜி.ஆர். அறக்கட்டளையில் இருந்து ரூ. 1 லட்சம் நிதியை ஜிக்கிக்கு வழங்க ஆணையிட்டார். இதையடுத்துஜிக்கியின் மகன் சந்திரசேகரன் இன்று முதல்வர் ஜெயலலிதாவை கோட்டையில் சந்தித்தார்.
அப்போது அவரிடம் ரூ. 1 லட்சத்துக்கான காசோலையை ஜெயலலிதா வழங்கினார். விரைவில் உடல் நலம்தேறவும் ஜிக்கிக்கு வாழ்த்துச் செய்தி அனுப்பினார்.
Comments
Story first published: Thursday, June 6, 2002, 5:30 [IST]