விண் டிவி அலுவலகத்தில் வருமான வரி அதிகாரிகள் சோதனை

சென்னை:

விண் டிவி அலுவலகங்கள், அதன் தலைவர் தேவநாதனின் வீடு ஆகியவற்றில் வருமான வரித்துறை அதிகாரிகள்திடீர் சோதனை நடத்தினார்கள்.

தமிழ் கட்டண சாட்டிலைட் டிவியான விண் டிவியின் பதிவு அலுவலகம் ஆழ்வார்ப்பேட்டையில் உள்ளது. இதன்நிர்வாக அலுவலகம் மயிலாப்பூர் லஸ் பகுதியில் உள்ளது. விண் டிவியின் தலைவர் தேவநாதனின் வீடு தி.நகர்தீனதயாளன் தெருவில் உள்ளது.

இந்த மூன்று இடங்களிலும் வருமான வரித்துறை அதிகாரிகள் திடீர் சோதனையில் ஈடுபட்டனர். ஒவ்வொருஇடத்திலும் 5 அதிகாரிகள் சோதனை நடத்தினர்.

டிவி நிறுவனத்தின் வருமானம், நிதி நிலைமை, முதலீடுகள், பார்ட்னர்கள் குறித்த ஆவணங்களை அதிகாரிகள்சோதனை போட்டனர்.

இருப்பினும் டிவி நிலைய செயல்பாடுகளை அதிகாரிகள் தடுக்கவில்லை என்று அதன் ஊழியர்கள் தெரிவித்தனர்.

தேவனாதன் பகுஜன் சமாஜ் கட்சியின் மாநிலத் தலைவராகவும் உள்ளார் என்பது குறிப்பிடத்தக்கது.

டிக்சாட் வோர்ல்ட் என்ற நிறுவனம் தான் இதனை நடத்தி வருகிறது. இந்த 24 மணி நேர சாட்டிலைட் சானல் தமிழில்முதல் பே சேனலாகும். இந்தியா தவிர மலேசியா, சிங்கப்பூர், ஆஸ்திரேலியா, இலங்கை, வளைகுடா நாடுகளிலும்இந்த சேனல் ஒளிபரப்பாகி வருகிறது.

இந்த சேனல் கடந்த பொங்கல் அன்று தனது ஒளிபரப்பைத் துவக்கியது. மலேசிய துணை அமைச்சர் டத்தோசுப்பிரமணியம் இதனைத் துவக்கி வைத்தார் என்பது குறிப்பிடத்தக்கது.

ஆஸ்திரேலியா, கனடா மற்றும் மலேசியாவைச் சேர்ந்த பலரும் இதில் முதலீடு செய்துள்ளதாகத் தெரிகிறது.நகைச்சுவைக்கு அதிக முக்கியத்துவம் கொடுக்கும் நிகழ்ச்சிகள் இதில் அதிகம் ஒளிபரப்பாகின்றன.

இழுத்து மூடப்பட்ட நிலா டிவியையும் இந்த டிக்சாட் வோல்ட் நிறுவனம் தான் நடத்தியது என்பதுகுறிப்பிடத்தக்கது.

-->