ஷாக் அடிக்கப் போகுது!

சென்னை:

தமிழகத்தில் விவசாயிகளுக்கு இலவச மின்சாரம் ரத்தாவதோடு, மின் கட்டணமும் உயர்த்தப்பட உள்ளது.

மாநில மின்சார ஒழுங்கு முறை ஆணையத்தின் பரிந்துரைப்படி இக் கட்டண உயர்வுகள் அமலுக்கு வருகின்றன.இதற்கான அறிவிப்பு வரும் 16ம் தேதி வெளியாகும் என்று தெரிகிறது.

மின் கட்டணத்தை உயர்த்துவது குறித்து பல்வேறு தரப்பினருடன் இந்த ஆணையம் விவாதம் நடத்தி வருகிறது.விவசாய சங்கத்தினருடன் பேசிய இந்த ஆணைய அதிகாரிகள், இலவச மின்சாரம் வழங்குவதால் மாநிலமின்துறைக்கு நஷ்டம் ஏற்படுவதாகவும், இந்த நஷ்டத்தை ஈடுகட்ட மாநில அரசு தயாராக இல்லை என்பதால்இலவச மின்சாரத்தை ரத்து செய்யப் போவதாகவும் கூறியது.

இதைத் தொடர்ந்து மாநிலம் முழுவதும் மின் கட்டணத்தை உயர்த்தவும் இந்த ஆணையம் முடிவு செய்துள்ளது.இதனை ஆணையத்தின் தலைவர் பால்ராஜ் தெரிவித்தார்.

நிருபர்களிடம் அவர் பேசுகையில்,

தமிழகத்தில் 8,216 மெகாவாட் மின்சாரம் தயாரிக்கப்படுகிறது. தமிழகத்தில் 1 கோடி வீடுகளுக்கு மின் இணைப்புதரப்பட்டுள்ளது. 17 லட்சம் விவசாய பம்ப் செட்களுக்கும், 14 லட்சம் கிராமப்புற வீடுகளுக்கும் மின் இணைப்புஉள்ளது.

ஆண்டுதோறும் சராசரியாக 6 லட்சம் புதிய மின் இணைப்புகள் தரப்படுகின்றன. மின் உற்பத்தி செலவு அதிகரித்துவருவதால் கட்டணத்தையும் உயர்த்த வேண்டி உள்ளது என்றார். ஆனால், எவ்வளவு கட்டணம் உயரும் என்றுஅவர் தெரிவிக்கவில்லை.

ஆனால், அதிகாரிகளிடம் விசாரித்ததில் நமக்குக் கிடைத்த தகவலின்படி,

வீடுகளுக்குத் தரப்பட்டுள்ள இணைப்புக்கு இதுவரை 50 யூனிட் வரை ஒரு யூனிட்டுக்கு 85 பைசா கட்டணமாகவசூலிக்கப்பட்டு வந்தது. இது இனி யூனிட் ஒன்றுக்கு ரூ. 1.10 ஆக உயரலாம் என்று தெரிகிறது.

அதே போல 50 முதல் 100 யூனிட் வரை கட்டணம் ரூ.1.30 ஆகலாம் (தற்போதைய கட்டணம் ரூ. 1.10).

101 முதல் 200 வரை கட்டணம் ரூ.2.60 ஆகலாம் (தற்போதைய கட்டணம் ரூ. 2.00)

201 முதல் 600 வரை கட்டணம் ரூ. ரூ.4.00 ஆக உயரும் (தற்போதைய கட்டணம் ரூ. 3.00)

இதே போல தொழில்துறை, வர்த்தக நிறுவனங்களுக்கான கட்டணமும் பல மடங்கு உயர உள்ளது.

-->