ஈராக்கிய டி.வி. நிலையம் தகர்ப்பு

பாக்தாத்:

அமெரிக்க போர் விமானங்கள் நடத்திய தாக்குதலில் ஈராக்கிய அரசு டிவியும், அதிபர் சதாம் ஹூசேனின் மகன்உதய் நடத்தி வந்த யூத் டி.வி நிலையமும் கடுமையாகத் தாக்கப்பட்டுள்ளன.

இந்திய நேரப்படி இன்று அதிகாலை காலை 2.45 மணிக்கு அமெரிக்க போர் விமானங்கள் பாக்தாத்தில்பயங்கரமான தாக்குதலை நடத்தின.

ஈராக் அரசு டி.வியும், சதாமின் மகன் உதய் நடத்தி வந்த ஒரு டி.வி. சேனலும் இருந்த வளாகம் இதில் பயங்கரமாகச்சேதமடைந்தன.

இதனால் இந்த டி.வி. நிலையங்களில் ஒளிபரப்புகள் நிறுத்தப்பட்டுள்ளன. இன்று காலை முதல் அந்தத்தொலைக்காட்சிகளில் ஒளிபரப்பு ஏதும் இல்லை என்று கூறப்படுகிறது.

கடந்த சில நாட்களாக சுட்டு வீழ்த்தப்பட்ட அமெரிக்கவிமானங்கள், கொல்லப்பட்ட அமெரிக்க- பிரிட்டிஷ் வீரர்கள், கைதான அமெரிக்க வீரர்களை ஈராக்கிய டிவி காட்டி வந்ததால் இத் தாக்குதல்நடந்துள்ளது.

-->