22ம் தேதி சனிப்பெயர்ச்சி: திருநள்ளாறுக்கு சிறப்பு ரயில்

சென்னை:

வரும் 22ம் தேதி சனிப்பெயர்ச்சி நடக்கவுள்ளது. இதையொட்டி சனி பகவான் ஆலயம் அமைந்துள்ளதிருநள்ளாறுக்கு 22ம் தேதி சென்னை தாம்பரத்திலிருந்து மயிலாடுதுறைக்கு சிறப்பு ரயில் இயக்கப்படுகிறது.22ம் தேதி காலை 8 மணி 27வது நிமிடத்தில் ரிஷப ராசியிலிருந்து மிதுன ராசிக்கு சனி பகவான் இடம் பெயர்கிறார்.இதையொட்டி, சனி பகவானின் ஆலயமான திருநள்ளாறில் விசேஷ பூஜைகள் நடக்கின்றன.

அன்றைய தினம் லட்சக்கணக்கான பக்தர்கள் இந்த ஆலயத்தில் குவிந்து சனி பகவானை வழிபடுவார்கள்.இதையொட்டி, திருநள்ளாறுக்கு அருகே உள்ள மயிலாடுதுறைக்கு சிறப்பு ரயில் விட தென்னக ரயில்வே ஏற்பாடுசெய்துள்ளது.

21ம் தேதி இரவு 9.15 மணிக்கு சென்னை தாம்பரத்திலிருந்து இந்த சிறப்பு ரயில் புறப்படும். அடுத்த நாள் காலைமயிலாடுதுறை சென்றடையும். அங்கிருந்து பஸ்கள் மூலம் திருநள்ளாறு செல்லலாம்.

மறு மார்க்கத்தில் 22ம் தேதி பிற்பகல் 1 மணிக்கு சிறப்பு ரயில் மயிலாடுதுறையில் இருந்து கிளம்பும். இந்த ரயில்இரவு 7.45 மணிக்கு தாம்பரம் வந்தடையும்.