இன்றும் சென்னையில் லேசான மழை பெய்யலாம்!!

சென்னை:

சென்னை நகரில் நீண்ட இடைவெளிக்குப் பிறகு நேற்றிரவு லேசான மழை பெய்தது. இதனால் நகரவாசிகள் மனம்குளிர்ந்தனர்.

சென்னை நகரில் கடும் வெப்பம் நிலவி வந்தது. இந் நிலையில் நேற்று காலை முதலே வானிலை குளுமையாகஇருந்தது. வெயில் குறைவாக இருந்ததோடு, பிற்பகலுக்கு மேல் வானம் இருட்டிக் கொண்டு வந்தது.

மாலையில் சென்னை நகரின் சில பகுதிகளில் லேசான மழை பெய்தது.

இந்த மழை காரணமாக நகரின் வெப்பநிலை கணிசமாகக் குறைந்தது. நுங்கம்பாக்கத்தில் 38.2 டிகிரி செல்சியஸும்,மீனம்பாக்கத்தில் 38.7 டிகிரி செல்சியஸுமாக வெப்பநிலை பதிவானது.

கடந்த 6 மாதங்களுக்கும் மேலாக கடும் வெப்பம் நிலவி வந்த நிலையில் இந்த மழை பெய்துள்ளதுகுறிப்பிடத்தக்கது.

இன்றும் காலையிலிருந்தே வானம் மப்பும் மந்தாரமாக உள்ளது. நேற்று போல மாலையில் லேசான மழை பெய்யும்வாய்ப்பிருப்பதாக வானிலை ஆராய்ச்சி நிலையம் கூறியுள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!