சாலை விபத்தில் 2 பேர் பலி: எம்.எல்.ஏ. காயம்

சிவகங்கை:

திருப்புவனத்தில் நடந்த சாலை விபத்தில் இருவர் பலியானார்கள். காங்கிரஸ் எம்.எல்.ஏ. ராம்பாபு உள்பட மூன்றுபேர் காயமடைந்தனர்.

ராம்பாபு தனது நண்பர்களுடன் மதுரையிலிருந்து சிவகங்கைக்கு காரில் சென்று கொண்டிருந்தபோதுதிருப்புவனத்தில் விளக்குக் கம்பத்தின் மீது அந்த கார் மோதியதில் இந்த விபத்து நேர்ந்தது.

இதில் இருவர் அந்த இடத்திலேயே இறந்தனர். எம்.எல்.ஏ. ராம்பாபு மற்றும் 2 பேர் காயமடைந்தனர். அவர்கள்மருத்துவமனையில் சேர்க்கப்பட்டுள்ளனர். நேற்றிரவு இந்த விபத்து நடந்தது.