எம்.பி. தேர்தலில் போட்டியிடுகிறார் விசு

பெங்களூர்:

இயக்குநர் விசு, வரும் நாடாளுமன்றத் தேர்தலில் சேலம் தொகுதியில் சுயேச்சையாகப் போட்டியிடப் போவதாகஅறிவித்துள்ளார்.

ஒரு காலத்தில் பெண்களைக் கவரும் குடும்ப சப்ஜெக்ட் படங்களாக எடுத்துத் தள்ளி சக்கை போடு போட்டவர்இயக்குநர் விசு. இயக்குநர் பாலச்சந்தரின் சிஷ்யரான விசு சமீப காலமாக படங்களை இயக்குவதில்லை. மாறாக,சன் டிவியில் ஒளிபரப்பாகி வரும் அரட்டை அரங்கம் மூலம் தமிழகம் மட்டுமல்லாது வெளிநாடுகளிலும்பிரபலமடைந்துள்ளார்.

இந் நிலையில் பெங்களூர் வந்த அவர் அங்கு செய்தியாளர்களிடம் பேசுகையில், கடந்த 10 ஆண்டுகளாக நான்அரட்டை அரங்கத்தை நடத்தி வருகிறேன். இந்த நிகழ்ச்சி எனக்கு மிகவும் பிடித்துள்ளது. பல பிரச்சினைகளை இந்தநிகழ்ச்சி மூலம் தீர்த்து வைத்த திருப்தி எனக்கு பெரும் மகிழ்ச்சியைத் தருகிறது.

படம் எடுக்க எனக்கு இப்போது நேரம் இல்லை. ஒவ்வொரு நிகழ்ச்சியையும் எனது திரைப்படமாகவே நினைத்துக்கொள்கிறேன். ஆனால் இவை அனைத்தும் உண்மைக் கதைகள். இவற்றிற்கு முடிந்தவரைத் தீர்வு காண்பதில் அதிகஅக்கறை காட்டுகிறேன்.

வரும் நாடாளுமன்றத் தேர்தலில் சேலம் தொகுதியில் சுயேச்சையாகப் போட்டியிடுவேன். அப்பழுக்கற்ற மக்கள்தொண்டனாக நீடிக்க விரும்புகிறேன். அதற்கு அரசியல் களம், பதவி பெரிதும் உதவும் என்பதால் எம்.பி தேர்தலில்போட்டியிடுகிறேன் என்றார் விசு.