இராக்குக்கு ஜார்ஜ் புஷ் ரகசிய பயணம்

பாக்தாத்:

அமெரிக்க அதிபர் ஜார்ஜ் புஷ் திடீரென இராக்குக்கு ரகசியப் பயணம் மேற்கொண்டார்.

இராக்கில் தினமும் அமெரிக்கப் படைகள் உயிர்ப் பலியாகி வரும் நிலையில் அவரது இந்தப் பயணம் மிக, மிக ரகசியமாக வைக்கப்பட்டிருந்தது.

பாக்தாத் சர்வதேச விமான நிலையத்தில் (முன்னாள் சதாம் சர்வதேச விமான நிலையம்) சுமார் 600 அமெரிக்கப் படையினர் மத்தியில் அவர் உரையாற்றினார். சுமார் 2 மணி நேரம் அங்கிருந்த புஷ் உடனடியாக அமெரிக்கா திரும்பினார்.

பாதுகாப்பு காரணங்களுக்காக புஷ் ராணுவ உடையில் இருந்தார். வீரர்கள் மத்தியில் உரையாற்றியபோது அவர் கண்கள் கலங்கின. அமெரிக்காவின் தாங்ஸ் கிவிங் சம்பிரதாய நிகழ்ச்சியையொட்டி இந்தப் பயணத்தை அவர் மேற்கொண்டார்.

பின்னர் வீரர்களுடன் அவர் உணவருந்தினார். ஈராக்குக்கு வந்த முதல் அமெரிக்க அதிபர் ஜார்ஜ் புஷ் தான் என்பது குறிப்பிடத்தக்கது.