சென்னை-பிராங்க்பர்ட் தினசரி லுப்தான்ஸா விமானம்

சென்னை:

ஜெர்மனியின் லுப்தான்ஸா விமான நிறுவனம் சென்னைக்கும் பிராங்க்பர்ட்டுக்கும் இடையே தினசரி விமான சேவையைத் துவங்கவுள்ளது. டிசம்பர் 1ம் தேதி முதல் இந்த தினசரி போயிங் 747-400 சேவை தொடங்குகிறது.

மொத்தமாக டெல்லி, மும்பை, சென்னை, பெங்களூரில் இருந்து வாரத்திற்கு 24 விமானங்கள் இயக்கப்படவுள்ளன. இவை தவிர வரும் ஆண்டு ஜனவரி 6ம் தேதி முதல் பிப்ரவரி 29ம் தேதி வரை தினமும் கூடுதலாக 4 விமானங்கள் பெங்களூரில் இருந்து இயக்கப்படவுள்ளன.

இந்தியாவில் இருந்து பிராங்க்பர்ட் செல்லும் விமான பயணிகளில் எண்ணிக்கை 10 சதவீதம் அதிகரிக்கும் என்று எதிர்பார்பாப்பதாகவும், அதே நேரத்தில் சென்னை பயணிகளின் எண்ணிக்கை 25 முதல் 30 சதவீதம் வரை அதிகரிக்கும் எனவும் அந் நிறுவனம் தெரிவித்துள்ளது.