மேற்கு ஆப்பிரிக்காவில் லெபனான் விமானம் விபத்து: 90 பேர் பலி

காட்னூ:

மேற்கு ஆப்பரிக்காவில் பெனின் மாகாணத்தில் உள்ள காட்னூவில் இருந்து பெய்ரூட் கிளம்பிய லெபனான்விமானம் விபத்துக்குள்ளானதில் அதில் பயணம் செய்த 90 பேர் பலியானார்கள்.

லெபனான் நாட்டிற்குச் சொந்தமான போயிங் 727 விமானம் 156 பயணிகள் மற்றும் 7 விமான ஊழியர்களுடன்காட்னூ விமான நிலையத்திலிருந்து கிளம்பியது. ஓடுபாதையை விட்டு மேலெழும்புவதில் ஏற்பட்ட தொழில்நுட்பக் கோளாறு காரணமாக விமானம் அருகில் இருந்த கட்டடத்தின் மீது மோதி வெடித்தது.

பற்றி எரிந்த நிலையில் விமான நிலைய வளாகத்தைத் தாண்டி அட்லாண்டிக் கடலில் விழுந்தது. இதில் அந்தவிமானத்தில் பயணம் செய்த 90 பேர் பலியானார்கள். எஞ்சியோர் பலத்த காயங்களுடன் மருத்துவமனையில்அனுமதிக்கப்பட்டுள்ளனர்.

முன்னதாக கீனியன் தலைநகர் கொனக்ரியிலிருந்து புறப்பட்ட விமானம் காட்னூவில் 71 பயணிகளை ஏற்றிச்செல்ல வரும் வழியில், இடையே தொழில் நுட்பக் கோளாறு காரணமாக சியாரா லியோன் நாட்டுத் தலைநகரானப்ரீடெளன் என்ற நகரில் தரையிறக்கப்பட்டதாக தகவல்கள் வெளியாகியுள்ளன.