கூட்டணி: நாளை கருணாநிதியை சந்திக்கிறார் மன்மோகன் சிங்

சென்னை:

கூட்டணி குறித்து பேச்சு நடத்த திமுக தலைவர் கருணாநிதியைச் சந்திக்க காங்கிரஸ் மூத்த தலைவரும் முன்னாள்நிதியமைச்சருமான டாக்டர் மன்மோகன் சிங் நாளை சென்னை வருகிறார்.

முன்னதாக காங்கிரஸ் தலைவர் சோனியா காந்தி, கருணாநிதியுடன் தொலைபேசியில் பேசினார். இதைத் தொடர்ந்துகாங்கிரஸ் எம்.பி. மணிசங்கர அய்யர், கருணாநிதியைச் சந்தித்தார்.

இப்போது மூத்த தலைவரான மன்மோகன் சிங் கருணாநிதியுடன் பேச்சு நடத்தவுள்ளார். இருவரும் முதலில் தனியேபேச்சு நடத்த உள்ளனர். பின்னர் இந்த ஆலோசனைகளில் மாநில காங்கிரஸ் தலைவர் வாசனும் கலந்துகொள்கிறார்.

இன்று டெல்லியில் நடந்த காங்கிரஸ் காரியக் கமிட்டிக் கூட்டத்தில் திமுகவுடனான கூட்டணிக்கு ஒப்புதல்தரப்பட்டது. இதையடுத்து மன்மோகன் சிங்கை சென்னைக்கு அனுப்புகிறார் சோனியா.

இப்போது டெல்லியில் இருக்கும் வாசனும் சிங்குடன் நாளை சென்னை வருகிறார்.