பிப்ரவரி 6ல் தமிழக சட்டசபை கூடுகிறது: அமளிக்கு பஞ்சமிருக்காது

சென்னை:

தமிழக சட்டப் பேரவையின் இந்த ஆண்டின் முதல் கூட்டம் வரும் பிப்ரவரி 6ம் தேதி தொடங்குகிறது.

ஆளுநர் உரையுடன் தொடங்கும் இந்தக் கூட்டம் 13ம் தேதி வரை ஒரு வார காலம் நடக்கும் என்று தெரிகிறது.

மக்களவைத் தேர்தல் வருவதால், மக்களுக்கு பல்வேறு அதிரடி சலுகைத் திட்டங்களை தமிழக அரசு இந்தக் கூட்டத்தொடரின்போது அறிவிக்கும் என்று எதிர்பார்க்கப்படுகிறது.

மேலும் ஓட்டு வங்கிகளை மனதில் கொண்டு பல புதிய திட்டங்களும் அறிவிக்கப்படலாம் என்று கூறப்படுகிறது.

தேர்தலுக்காக திமுக-பா.ம.க.-காங்கிரஸ்- இடதுசாரிகள் கூட்டணி அமைத்துள்ளன. அதிமுக-பா.ஜ.க. கூட்டணியும்உருவாகவுள்ளது. இந்தப் புதிய கூட்டணிகள் உருவான பின் நடக்கும் முதல் சட்டசபைக் கூட்டம் இது என்பதால்அவையில் கடும் மோதலும், காரசார காட்சிகளும் அரங்கேறும் வாய்ப்புள்ளது.