ஜெ. - வெங்கைய்யா நாயுடு இன்று சந்திப்பு

சென்னை:

அதிமுகவுடன் கூட்டணி அமைப்பது தொடர்பாக பா.ஜ.க. பொதுச் செயலாளர் வெங்கைய்யா நாயுடு, முதல்வர்ஜெயலலிதாவை இன்று சந்தித்துப் பேசுகிறார்.

மக்களவைத் தேர்தல் வருவதையொட்டி கூட்டணி அமைக்கும் முயற்சிகளில் அரசியல் கட்சிகள் தீவிரமாகஇறங்கியுள்ளன. தமிழகத்தில் திமுக தலைமையிலான ஜனநாயக முற்போக்குக் கூட்டணியில் காங்கிரஸ், மதிமுக,பா.ம.க., கம்யூனிஸ்ட் கட்சிகள் ஆகியவை இடம் பெற்றுள்ளன.

அதற்கு மாற்றாக அதிமுகவுடன் இணைந்து ஒரு கூட்டணியை அமைக்க பா.ஜ.க. முயற்சித்து வருகிறது. இதன் முதல்கட்டமாக பா.ஜ.க. தலைவர் வெங்கைய்யா நாயுடு இன்று சென்னை வந்து ஜெயலலிதாவை சந்தித்துப் பேசுகிறார்.அப்போது கூட்டணி மற்றும் தொகுதிப் பங்கீடு குறித்து பேச்சுவார்த்தை நடத்தப்படும் என்று பா.ஜ.க. வட்டாரங்கள்தெரிவிக்கின்றன.