11ம் தேதி தமிழக பட்ஜெட் தாக்கல்

வேலூர்:

தமிழக சட்டசபையில் வரும் 11ம் தேதி 2004-05ம் ஆண்டுக்கான நிதி நிலை அறிக்கை (பட்ஜெட்) தாக்கல் செய்யப்படவுள்ளது.

முன்னதாக நாடாளுமன்றத் தேர்தல் வருவதால், இடைக்கால பட்ஜெட் தாக்கல் செய்யப்படலாம் என்று பேச்சு நிலவியது. இந்நிலையில் அந்தச் செய்திகளை மறுக்கும் வகையில் முழுமையான பட்ஜெட் தாக்கல் செய்யப்படும் என்று சட்டசபை செயலகம்மூலம் அரசு அறிவிப்பு வெளியிட்டுள்ளது.

நாடாளுமன்றத் தேர்தல் வருவதால், அதை மனதில் கொண்டு பட்ஜெட்டில் பெரிய அளவில் வரி விதிப்பு இருக்காது என்றுநம்பப்படுகிறது. அதே நேரத்தில் அதிமுகவின் ஓட்டு வங்கிகளுக்கு சலுகைகள் அறிவிக்கப்படலாம்.