சோனியா-கருணாநிதி 13ம் தேதி சந்திப்பு
சென்னை:
திமுக தலைவர் கருணாநிதியை சந்திப்பதற்காக காங்கிரஸ் தலைவர் சோனியா காந்தி வருகிற 13ம் தேதிசென்னைக்கு வருகிறார்.
தமிழகத்தில் திமுக தலைமையிலான ஜனநாயக முற்போக்குக் கூட்டணியில் காங்கிரஸ் கட்சியும் இடம்பெற்றுள்ளது.தொகுதிப் பங்கீடு முடிவடைந்துள்ள நிலையில், தேர்தல் வியூகம் குறித்து விவாதிப்பதற்காகவும், கருணாநிதியைநேரில் சந்திப்பதற்காகவும் சோனியா காந்தி சென்னை வருகிறார்.
13ம் தேதி சென்னை வரும் அவர் பிற்பகல் 3 மணிக்கு கருணாநிதியை சந்தித்துப் பேசுகிறார். அப்போது தேர்தல்வியூகம், பாண்டிச்சேரி தொகுத தொடர்பான சர்ச்சைகள் குறித்து விவாதிக்கவுள்ளார்.
சோனியா காந்தியின் சென்னை வருகையின்போது சென்னை நகரில் மேற்கொள்ளப்பட வேண்டிய பாதுகாப்புநடவடிக்கைகள் குறித்து தமிழக காவல்துறை அதிகாரிகளுடன் விவாதிப்பதற்காக சோனியாவின் பாதுகாப்புப்படை தலைமை அதிகாரி தினகர் இன்று சென்னை வந்தார்.
மாநில காவல்துறை தலைவர், மாநகர காவல்துறை ஆணையர் உள்ளிட்ட உயர் அதிகாரிகளுடன் பாதுகாப்புவியூகம் குறித்து அவர் விவாதித்தார்.