தேர்தல் பிரச்சாரத்துக்கு அத்வானிக்கு ராணுவ விமானம்: கருணாநிதி ஆதரவு

சென்னை:

பாதுகாப்பு காரணங்களுக்காக துணைப் பிரதமர் அத்வானி தனி விமானத்தைப் பயன்படுத்துவதை ஆட்சேபிக்கவேண்டியதில்லை என்று திமுக தலைவர் கருணாநிதி கூறியுள்ளார்.

தேர்தல் பிரச்சாரத்துக்கு பிரதமர் வாஜ்பாய்க்கு இணையாக துணைப் பிரதமர் அத்வானிக்கும் இந்திய விமானப்படை விமானத்தைப் பயன்படுத்த அனுமதிக்க வேண்டும் என்று தேர்தல் கமிஷனிடம் பா.ஜ.க. கோரிக்கைவிடுத்துள்ளது.

அரசியல் சட்டப்படி துணைப் பிரதமர் என்ற பதவியே இந்தியாவில் இல்லை என்று கூறியுள்ள காங்கிரஸ் கட்சி,பா.ஜ.கவின் இக் கோரிக்க்கைக்கு கடும் எதிர்ப்புத் தெரிவித்துள்ளது. இந் நிலையில் அத்வானிக்கு விமானப் படைவிமானம் தருவதில் தவறேதும் இல்லை என கருணாநிதி கூறியுள்ளார்.

இதுதொடர்பாக அவர் வெளியிட்டுள்ள அறிக்கையில், துணைப் பிரதமர் அத்வானி தேர்தல் பிரசாரத்திற்காக தனிவிமானப் படை விமானத்தை பயன்படுத்துவதற்கு சில கட்சிகள் சார்பில் ஆட்சேபனை தெரிவிக்கப்பட்டுள்ளது.

பாதுகாப்பு என்ற கோணத்தில் பார்க்கும்போது, அத்வானி ராணுவ விமானத்தை பிரச்சாரத்திற்கு பயன்படுத்துவதைதிமுக பிரச்சனையாக்க விரும்பவில்லை. அத்வானிக்கு பாதுகாப்பு தர வேண்டும் என்ற கோணத்தில் சிந்தித்துப்பார்த்தால், அதில் திமுகவுக்கு உடன்பாடு உண்டு.

அரசு விளம்பரங்கள் என்ற பெயரில் மக்கள் பணத்தை கோடிக்கணக்கில் பா.ஜ.க. அரசு செலவழிப்பதை விடவிமான பயணத்திற்கான செலவு குறைவாகத்தான் இருக்கும் என்று நம்புகிறேன் என்று அவர் கூறியுள்ளார்.