பாண்டிச்சேரியில் லலிதா குமாரமங்கலம் போட்டி

பாண்டிச்சேரி:

பாண்டிச்சே மக்களவைத் தொகுதியில் பா.ஜ.க. சார்பில் லலிதா குமாரமங்கலம் போட்டியிடுகிறார்.

மறைந்த முன்னாள் மத்திய அமைச்சர் மோகன் குமாரமங்கலத்தின் மகளும், மறைந்த முன்னாள் மத்திய அமைச்சர்ரங்கராஜன் குமாரமங்கலத்தின் சகோதரியுமான லலிதா குமாரமங்கலம், தற்போது அகில இந்திய பா.ஜ.க.செயலாளராக உள்ளார்.

அத்தோடு பாண்டிச்சேரி மாநில பா.ஜ.க. பொறுப்பாளராகவும் இருந்து வருகிறார். மயிலாடுதுறை அல்லதுபாண்டிச்சேரி தொகுதியில் ஏதாவது ஒன்றில் போட்டியிடும் திட்டத்துடன் கடந்த சில ஆண்டுகளாக இந்த இருஇடங்களிலும் பொதுச் சேவைகளில் ஈடுபட்டு வந்தார்.

இந் நிலையில் பாண்டிச்சேரியை லலிதாவுக்காக ஒதுக்கித் தந்தார் முதல்வர் ஜெயலலிதா.

பா.ஜ.க. வேட்பாளர்கள் தேர்வு குறித்து ஆலோசனை மாநிலத் தலைவர்கள் இப்போது தான் ஆலோசனையேநடத்த ஆரம்பித்துள்ள நிலையில் லலிதாவுக்கு மத்தியத் தலைமை சீட் ஒதுக்கிவிட்டது. இத் தகவலை லலிதாவேநிருபர்களிடம் தெரிவித்தார்.

பாண்டிச்சேரியில் நான் தான் போட்டியிடப் போகிறேன். இதற்கான முறையான அறிவிப்பை கட்சித் தலைவர்வெங்கைய்யா நாயுடு விரைவில் வெளியிடுவார்.

புதுச்சேரிக்கு நான் புதியவள் அல்ல. எனது தந்தை மோகன் குமாரமங்கலம் கடந்த 1971ம் ஆண்டு முதல் 73ம்ஆண்டு வரை புதுவை எம்.பியாக இருந்துள்ளார். மத்திய அமைச்சராகவும் பணியாற்றியுள்ளார்.

திங்கள்கிழமை முதல்வர் ஜெயலலிதாவை சந்தித்து தேர்தல் பிரசாரம் தொடர்பாக விவாதிக்கவுள்ளேன்.

பாமக எங்களுக்கு ஒரு மிரட்டலே அல்ல. பாமக வேட்பாளரை எளிதில் தோற்கடிப்போம். பாண்டிச்சேக்கு எனதனியாக தேர்தல் அறிக்கை வெளியிடப்படும். இந்தத் தேர்தல் அறிக்கையை பா.ஜக மற்றும் அதிமுக இணைந்துவெளியிடும் என்றார் அவர்.