அமைச்சர்களின் தேர்தல் செலவை அதிமுக கணக்கில் சேர்க்க வேண்டும்: ராமதாஸ்

சென்னை:

அதிமுக வேட்பாளர்களுக்காக தமிழக அமைச்சர்கள் செய்யும் தேர்தல் செலவை, அந்தந்த அதிமுகவேட்பாளர்களின் கணக்கிலேயே சேர்க்க வேண்டும் என்று தேர்தல் ஆணையத்திற்கு பா.ம.க. நிறுவனர் டாக்டர்ராமதாஸ் கோரிக்கை விடுத்துள்ளார்.

விழுப்புரம் அருகே உள்ள தைலாபுரத்தில் உள்ள தனது இல்லத்தில் செய்தியாளர்களிடம் பேசிய ராமதாஸ், அதிமுகவேட்பாளர்களுக்காக தமிழக அமைச்சர்கள் ஏகப்பட்ட செலவு செய்து வருகிறார்கள். இந்தச் செலவை தேர்தல்ஆணைய பார்வையாளர்கள் தீவிரமாகக் கண்காணிக்க வேண்டும்.

அமைச்சர்களின் தேர்தல் செலவை, சம்பந்தப்பட்ட தொகுதி வேட்பாளர்களின் கணக்கில் சேர்க்க வேண்டும்.

தேர்தல் ஆணைய பார்வையாளர்கள் ஒரே இடத்தில் தங்காமல் தொகுதி முழுவதும் தீவிர சுற்றுப்பயணம் செய்துஆளுங்கட்சியினரின் அத்துமீறல்களைக் கண்காணித்து அவ்வப்போது தேர்தல் ஆணையத்திற்கு அறிக்கை அளிக்கவேண்டும்.

தேர்தலில் அயோத்திப் பிரச்சினையை எழுப்ப மாட்டோம் என்று பா.ஜ.க. கூறியுள்ளது. ஆனால் அத்வானிமேற்கொள்ளவுள்ள ரத யாத்திரை, அயோத்தியை நினைவுபடுத்தும் வகையில் உள்ளது. எனவே இதைத் தடைசெய்ய தேர்தல் ஆணையம் நடவடிக்கை எடுக்க வேண்டும் என்றார் அவர்.