மங்களூர் சட்டசபை இடைத் தேர்தல்: அதிமுக வேட்பாளர் ராமலிங்கம்

டெல்லி:

மங்களூர் (தனி) சட்டமன்ற தொகுதி இடைத் தேர்தலில் அதிமுக சார்பில் ராமலிங்கம் போட்டியிடுவார் என்று கட்சியின் பொதுச்செயலாளரும், முதல்வருமான ஜெயலலிதா அறிவித்துள்ளார்.

திமுக சின்னத்தில் கடந்த முறை போட்டியிட்டு வெற்றி பெற்ற மங்களூர் தொகுதி சட்டமன்ற உறுப்பினரான விடுதலை சிறுத்தைகள்அமைப்பின் செயலாளர் திருமாவளவன் தனது பதவியை ராஜினாமா செய்து விட்டார். இதைத் தொடர்ந்து அங்கு இடைத் தேர்தல்நடைபெறவுள்ளது. நாடாளுமன்றத் தேர்தல் நடைபெறும் மே 10ம் தேதியன்றே மங்களூருக்கும் வாக்குப் பதிவு நடக்கிறது.

மங்களூர் தொகுதியில் போட்டியிடும் வேட்பாளரை அதிமுக இன்று அறிவித்தது. மங்களூர் பகுதி எம்.ஜி.ஆர். இளைஞர் அணிசெயலாளராக இருக்கும் கே.ராமலிங்கம் அதிமுக வேட்பாளராக அறிவிக்கப்பட்டுள்ளார்.