காங்கிரஸ்: பிரபு, அய்யருக்கு மீண்டும் லக்- மற்றவர்கள் பெயர் 16ம் தேதி அறிவிப்பு

டெல்லி:

நாடாளுமன்றத் தேர்தலில் காங்கிரஸ் சார்பில் போட்டியிடும் வேட்பாளர்களின் முதல் பட்டியல்வெளியிடப்பட்டுள்ளது. தமிழகத்தில் பிரபு, மணிசங்கர் அய்யர் ஆகியோருக்கு மீண்டும் வாய்ப்பு கிடைத்துள்ளது.

தமிழகத்தில் ஜனநாயக முற்போக்குக் கூட்டணியில் இடம் பெற்றிருக்கும் கட்சிகளில் காங்கிரஸ் தவிர இதரகட்சிகள் தங்களது வேட்பாளர்களை அறிவித்து விட்டன. மயிலாடுதுறை, நீலகிரி, கோபிச்செட்டிபாளையம்,சிவகங்கை, சேலம், திண்டுக்கல், பெரியகுளம், ராசிபுரம், நெல்லை, பழனி ஆகிய தொகுதிகளில் காங்கிரஸ் கட்சிபோட்டியிடுகிறது.

இந் நிலையில் காங்கிரஸ் சார்பில் போட்டியிடும் 75 வேட்பாளர்களைக் கொண்ட முதல் பட்டியல்வெளியிடப்பட்டுள்ளது. இதில் நீலகிரியில் பிரபுவும், மயிலாடுதுறையில் மணிசங்கர் அய்யரும்போட்டியிடுவார்கள் என்று காங்கிரஸ் மேலிடம் அறிவித்துள்ளது.

கட்சியின் மத்திய தேர்தல் குழு வரும் 16ம் தேதி கூடுகிறது, அன்றைய தினம் குறைந்த பட்சம் 100 பேர் கொண்டஅடுத்த பட்டியல் வெளியிடப்படும் என்று கட்சியின் செய்தித் தொடர்பாளர் அம்பிகா சோனி தெரிவித்துள்ளார்.அப்போது பிற தமிழக வேட்பாளர்களின் பெயர்களும் வெளியாகலாம்.