தலைமை தேர்தல் ஆணையர் இன்றிரவு சென்னை வருகை

சென்னை:

தமிழகத்தில் நாடாளுமன்றத் தேர்தல் ஏற்பாடுகள், பாதுகாப்பு ஏற்பாடுகள் குறித்து விவாதிக்க தலைமைத் தேர்தல்ஆணையர் டி.எஸ்.கிருஷ்ணமூர்த்தி இன்று இரவு சென்னை வருகிறார்.

நாடாளுமன்றத் தேர்தல் ஏற்பாடுகளை தலைமைத் தேர்தல் ஆணையர் டி.எஸ்.கிருஷ்ணமூர்த்தி ஒவ்வொருமாநிலமாக சென்று பார்வையிட்டு வருகிறார். அந்த வரிசையில் இன்று இரவு அவர் சென்னை வருகிறார்.

பின்னர் சென்னையில் பல்வேறு நிகழ்ச்சிகளில் பங்கேற்கும் அவர் திங்கள்கிழமை தலைமைச் செயலாளர் லட்சுமிபிரானேஷ், உள்துறைச் செயலாளர் சையத் முனீர் ஹோடா, தலைமைத் தேர்தல் அதிகாரி மிருத்யுஞ்சய் சாரங்கி,டிஜிபி கோவிந்த் ஆகியோருடன் ஆலோசனை நடத்துகிறார்.