பார்வர்ட் பிளாக் உடைகிறது?

மதுரை:

அதிமுக கூட்டணிக்கு தன்னிச்சையாக ஆதரவு தெரிவித்துள்ள பார்வர்ட் பிளாக் கட்சி எம்.எல்.ஏ. சந்தானத்தைகட்சியை விட்டு நீக்குவதாக அக்கட்சியின பொதுக்குழு தீர்மானம் நிறைவேற்றியுள்ளது.

அதிமுகவின் தீவிரஆதரவாளராக சந்தானம் எம்.எல்.ஏ. இருந்து வருகிறார். ஆனால் அவர் சார்ந்துள்ள அகிலஇந்திய பார்வர்ட் பிளாக் கட்சி திமுக கூட்டணிக்கு ஆதரவு தெரிவித்துள்ளது.

இந் நிலையில் கட்சியின் பொதுக் குழுக் கூட்டம் மதுரையில் நடந்தது. இதில் கட்சியின் கொள்கை, முடிவுகளுக்குமுரண்பாடாக, அதிமுகவுக்கு ஆதரவு தெரிவித்து சந்தானம் தன்னிச்சையான முடிவை மேற்கொண்டுள்ளார்.

கட்சிக் கட்டுப்பாட்டை மீறிய அவரை கட்சியை விட்டு நீக்க முடிவு செய்யப்பட்டுள்ளது என்று தீர்மானம்நிறைவேற்றப்பட்டது. இந்த முடிவை ஏற்க முடியாது, இது சட்டவிரோதமானது என்று சந்தானம் கூறியுள்ளார்.எனவே விரைவில் பார்வர்ட் பிளாக் உடையும் என்று எதிர்பார்க்கப்படுகிறது.