சேலம் அருகே மலைப் பாதையில் பஸ் உருண்டு 6 பேர் பலி

சேலம்:

சேலம் மாவட்டம் வாழப்பாடி அருகே மலைப் பாதையில் பஸ் உருண்டு விழுந்து 6 பேர் பலியானார்கள்.

இன்று காலை வாழப்பாடி அருகே உள்ள குன்னூர் என்ற மலை கிராமத்திலிருந்து கருமந்துறை என்ற இடத்துக்குச்சென்று கொண்டிருந்த பஸ் நிலை தடுமாறி 40 அடி பள்ளத்தில் விழுந்தது. இதில் பஸ்சில் பயணித்த 2 வயது சிறுமிஉள்பட ஆறு பேர் சம்பவ இடத்திலேயே பலியானார்கள். மேலும் 80 பேர் காயமடைந்தனர்.

காயமடைந்தவர்கள் வாழப்பாடி மற்றும் சேலம் அரசு மருத்துவமனைகளில் அனுமதிக்கப்பட்டுள்ளனர்.

காலை நேரம் என்பதால் பள்ளி, மாணவிகள் உள்பட நூற்றுக்கும் அதிகமானோர் அந்த பஸ்சில் சென்றனர். மலைகிராமங்களுக்கு பஸ்கள் மிகக் குறைவு என்பதால் எப்போதுமே கூட்டம் மிக அதிகமாக இருப்பது வழக்கம்.