அத்வானிக்கே அறிவுரையா?: கருணாநிதிக்கு தொகாடியா அறிவுரை

சென்னை:

துணைப் பிரதமர் அத்வானி எப்படிப் பேச வேண்டும், என்ன பேச வேண்டும் என்பதை திமுக தலைவர் கருணாநிதிகற்றுக் கொடுக்க வேண்டியதில்லை என்று விஸ்வ இந்து பரிஷத் தலைவர் பிரவீண் தொகாடியா கூறினார்.

விஜயவாடா செல்லும் வழியில் சென்னை வந்த அவர் செய்தியாளர்களிடம் பேசுகையில், அயோத்தி, ராமர்கோவில் குறித்து அத்வானி பேசக்கூடாது என்று கருணாநிதி கூறியுள்ளார். இதைச் சொல்ல கருணாநிதிக்கு உரிமைஇல்லை.

அத்வானி எப்படிப் பேச வேண்டும், என்ன பேச வேண்டும் என்பதை கருணாநிதி கற்றுக் கொடுக்கத்தேவையில்லை.

யார் வேண்டுமானாலும் ரத யாத்திரை போகலாம். ஆனால் கொடுத்த வாக்குறுதியை காப்பாற்ற வேண்டும்என்பதில் அந்தத் தலைவர்கள் உறுதியாக இருக்க வேண்டும்.

அயோத்தியில் ராமர் கோவில் நிச்சயம் கட்டப்படும். அதற்கான பணிகள் துரித கதியில் நடந்து வருகின்றனஎன்றார் அவர்.