வாக்காளர் பட்டியலில் பெயர் இருக்கிறதா?: தொலைபேசி மூலம் அறியலாம்

டெல்லி:

வாக்காளர் பட்டியலில் பெயர் இருக்கிறதா என்பதை தொலைபேசி மூலம் அறிந்து கொள்ளும் வசதியை தேர்தல்ஆணையம் ஏற்படுத்திக் கொடுத்துள்ளது.

வேட்பாளர்களுக்கும், அரசியல் கட்சிகளுக்கும் நாளுக்கு நாள் புதுப்புது கட்டுப்பாடுகள் மூலம் கிடுக்கிப்பிடிபோடும் தேர்தல் ஆணையம், வாக்காளர்களுக்கு பல வசதிகளை ஏற்படுத்தி வருகிறது. இப்போது வாக்காளர்பட்டியல் விவரங்களை தொலைபேசி மூலம் அறியும் வசதியை ஏற்படுத்திக் கொடுத்துள்ளது.

இது தொடர்பாக மத்திய தேர்தல் துணை ஆணையர் நூர் முகம்மது செய்தியாளர்களிடம் கூறியதாவது:

வாக்காளர் பட்டியலில் தனது பெயர் இருக்கிறதா என்பதை வாக்காளர்கள் அறிந்து கொள்வதற்கு ஏதுவாக நாடுமுழுவதிலும் அனைத்து மாவட்டத் தலைநகரங்களிலும் உதவி மையங்கள் அமைக்கப்படும். இந்த உதவிமையங்களை தொலைபேசியில் தொடர்பு கொண்டு வாக்காளர் பட்டியல் குறித்த விவரங்களை அறிந்துகொள்ளலாம்.

டெல்லி, சென்னை, மும்பை, கொல்கத்தா, பெங்களூர் உள்ளிட்ட முக்கிய நகரங்களில் அமைக்கப்படும்மையங்களில் 20 முதல் 25 தொலைபேசி இணைப்புகள் செயல்படும்.

வாக்காளர்களின் அடையாளத்தை போலீஸார் இனி சரிபார்க்க மாட்டார்கள். வாக்குச்சாவடியில் உள்ள தேர்தல்அதிகாரிகளே சோதனை பார்ப்பார்கள். புதிய இடங்களில் குடியிருப்பு வசதி ஏற்படுத்தித் தரப்பட்டிருக்கும்குடிசைவாழ் மக்களுக்கு வாக்களிக்க வசதியாக சிறப்பு சீட்டுக்களை தேர்தல் ஆணையம் வழங்கும் என்றார்.