பிஇ- எம்பிபிஎஸ் நுழைவு தேர்வு: 27ம் தேதி வரை தபாலில் விண்ணப்பிக்கலாம்

சென்னை:

பொறியியல் மற்றும் மருத்துவ படிப்பு நுழைவுத் தேர்வுக்கு வரும் 27ம் தேதி வரை தபால் மூலம் விண்ணப்பிக்கலாம் என்று அண்ணா பல்கலைக்கழகம் அறிவித்துள்ளது.

இது தொடர்பாக அண்ணா பல்கலைக்கழகம் வெளியிட்டுள்ள செய்திக்குறிப்பில் கூறப்பட்டுள்ளதாவது:

பொறியியல், மருத்துவம், கால்நடை மருத்துவம், வேளாண்மை, அனிமல் சயின்ஸ் உள்ளிட்ட படிப்புகளுக்கான நுழைவுத் தேர்வு விண்ணப்பங்கள் கடந்த மாதம் 27ம் தேதி முதல் தபால் மற்றும் ஆன்லைன் மூலம் பெறப்பட்டு வருகிறது.

இதில் மாணவர்களின் வசதிக்கேற்ப தபால் மூலம் விண்ணப்பிக்கும் வசதி இம்மாத 27ம் தேதி வரை நீட்டிக்கப்பட்டுள்ளது. உச்ச நீதிமன்ற உத்தரவுப்படி சுயநிதிக் கல்லூரிகளில் மேனேஜ்மென்ட் கோட்டாவில் சேரும் மாணவர்களுக்கும் நுழைவுத் தேர்வு நடத்தப்படவுள்ளது என்று கூறப்பட்டுள்ளது.