"குண்டு" கல்யாணம் போடும் "குண்டு"

மயிலாடுதுறை:

மயிலாடுதுறை அதிமுக வேட்பாளர் ஓ.எஸ்.மணியத்திற்கு ஆதரவாகப் பிரச்சாரம் செய்து வரும் காமெடி நடிகர்குண்டு கல்யாணம் தொகுதி மக்களை நன்றாக சிரிக்க வைத்து வருகிறார்.

ஒரு காலத்தில் பிசியான காமெடி நடிகராக இருந்த குண்டு கல்யாணம் அதிமுகவின் தீவிர தொண்டர்களில் ஒருவர்.அத்தோடு இல்லாமல் கட்சி பேச்சாளரும் கூட. மயிலாடுதுறை பிரச்சாரக் களத்தில் குண்டு கல்யாணம்குதித்துள்ளார்.

வேட்பாளர் மணியத்திற்கு ஆதரவாக வீடு வீடாகச் சென்றும், ஜீப்பில் சென்றும் பிரச்சாரம் செய்கிறார். போகும்இடங்களிலெல்லாம் திமுகவையும், அதன் தலைவர்களையும் நக்கல், நையாண்டி செய்து காமெடியாக அவர்பேசுவது மக்களைக் கவர்ந்துள்ளது.

கருணாநிதியும், மணிசங்கர அய்யரும் அவர் வாயில் தினம் வந்து போகும் தலைவர்களாக உள்ளார்கள். ஒருஇடத்தில் அவர் பிரச்சாரம் செய்கையில், முரசொலி மாறன் மறைவுக்குப் பிறகு அவரது மகன் தயாநிதி மாறனுக்குமத்திய அமைச்சர் பதவி கேட்டார் கருணாநிதி. அதைத் தர வாஜ்பாய் மறுத்ததால்தான் கூட்டணியை விட்டுவெளியே வந்தார் கருணாநிதி என்று கூறினார்.

சீரியஸாகப் போய்க் கொண்டிருக்கும் பிரச்சாரத்திற்கிடையே, குண்டு கல்யாணம் போன்றவர்களும் தேவைதான்.