திமுக- காங்கிரஸ் வாரிசு அரசியல் கூட்டணி: பா.ஜ.க.

சென்னை:

திமுக- காங்கிரஸ் கூட்டணி வாரிசு அரசியலை ஆதரிக்கும் கூட்டணி என்று அகில இந்திய பா.ஜ.க. செயலாளர்இல.கணேசன் தெரிவித்துள்ளார்.

இது தொடர்பாக செய்தியாளர்களுக்கு அவர் அளித்த பேட்டியில்,

அரசியலில் உரிய வயதுடைய எவர் வேண்டுமானாலும் போட்டியிடலாம் பிரச்சாரம் செய்யலாம். ஆனால்பாரம்பரியம் மிக்க காங்கிரஸ் கட்சியில் தலைமைக்கு பஞ்சம் ஏற்பட்டு ஒரு குடும்பத்தையும், அந்த குடும்பத்துவாரிசுகளையும் எதிர்பார்த்து நிற்பது மிகக் கேவலமாகும்.

திமுக- காங்கிரஸ் கூட்டணியே வாரிசு அரசியலை ஆதரிக்கும் கூட்டணியாகும். ராகுல் காந்தியை அமேதிதொகுதியில் போட்டியிட வைத்ததன் மூலம் வாரிசு அரசியலை ஊக்குவிக்கும் செயலை காங்கிரஸ் கட்சிபகிரங்கமாக செய்துள்ளது.

பா.ஜ.க. தலைவர் வெங்கையாநாயுடு பற்றி பேசினால் நாடே சிரிக்கும் என்று திமுக தலைவர் கருணாநிதிகூறியிருக்கிறார். ஒரு அகில இந்திய தலைவரை பற்றி இப்படிப்பட்ட வார்த்தை பிரயோகங்களை எல்லாம்கருணாநிதி போன்ற மரியாதைக்குரிய தலைவர்கள் பேசுவது நல்ல பண்பு அல்ல.

பா.ஜ.க. போட்டியிடும் தொகுதிகளில் பிரச்சாரம் மந்தமாக உள்ளதாகக் கூறப்படும் செய்தியில் உண்மையில்லை.பிரச்சாரம் நன்றாகத்தான் நடக்கிறது. பா.ஜ.க. போட்டியிடும் 7 தொகுதிகளிலும் மத்திய அமைச்சர் திருநாவுக்கரசர்பிரச்சாரம் செய்வார். அதிமுக அழைத்தால் அவர்களுக்காகப் பிரச்சாரம் செய்யவும் தயாராக இருப்பதாகஏற்கனவே அவர் கூறியிருக்கிறார் என்றார்.