ஓ.பியின் தம்பியை "கண்டுபிடித்த" உடன் பிறப்புகள்!

பெரியகுளம்:

வாக்காளர் பட்டியலில் "காணாமல்" போனதாகக் கூறப்பட்ட பொதுப்பணித்துறை அமைச்சர் ஓ.பன்னீர் செல்வத்தின்தம்பி ராஜாவின் பெயர் வாக்காளர் பட்டியலில் இருப்பதாக திமுகவினர் தெரிவித்துள்ளனர்.

பெரியகுளம் தொகுதி வாக்காளர் பட்டியலிலிருந்து தனது தம்பி ராஜாவின் பெயரை நீக்கி விட்டதாக பன்னீர்செல்வம் சமீபத்தில் குற்றம் சாட்டியிருந்தார். இதையடுத்து திமுகவினர் வாக்காளர் பட்டியலை சரி பார்த்தனர்.

அதில், ராஜாவின் பெயர் அவரது உண்மையான பெயரான ராமசாமி என்று வாக்காளர் பட்டியலில் இடம்பெற்றிருப்பதாகக் கூறியுள்ளனர். ஓ.பன்னீர் செல்வத்தின் தம்பி பெயர் வாக்காளர் பட்டியலில் இல்லை என்றுஅதிமுகவினர் கூறுவதில் உண்மை இல்லை என்று திமுக கூறியுள்ளது.

எதிர்க் கட்சிகளுக்கு ஓட்டு அதிகம் விழுந்த இடங்களில் பல பெயர்களை அதிகாரிகள் உதவியுடன் அதிமுகவினர்நீக்கியுள்ளனர். இதைச் சுட்டிக் காட்டியபோது, அதைத் திசை திருப்பவும், எல்லா தரப்பு பெயர்களுமே தான்விட்டுப் போயிருக்கின்றன என்ற பிரமையை உருவாக்கவுமே பன்னீரின் தம்பி பெயர் கூட இல்லை என்றுஅதிமுகவினர் புரளி கிளப்பிவிட்டனர்.

நாங்கள் பட்டியலை ஆராய்ந்தபோது அவரது பெயர் இருப்பது உறுதியாகிவிட்டது என்கின்றனர் திமுகவினர்.