தந்தைக்கு மகன் ஆற்றிய சிறு உதவி!

சென்னை:

வழக்கமாக அழகிரியால் அவரது தந்தை கருணாநிதிக்கும், திமுகவுக்கும் தொல்லை தான் ஏற்படும். இந்த முறைஅழகிரியால் கருணாநிதிக்கு ஒரு நன்மை விளைந்துள்ளது.

திமுக தலைவர் கருணாநிதியின் கார் டிரைவராக இருந்தவர் திடீரென வேறு கட்சிக்குத் தாவி விட்டதால், தனது கார்டிரைவரை தந்தைக்காக "டிரான்ஸ்பர்" செய்து உதவியுள்ளார் அழகிரி.

கருணாநிதியின் டிரைவராக நீண்ட காலம் இருந்து வந்தவர் மணி. இவர் தற்போது ஆளும்கட்சிக்குத்தாவிவிட்டதாகத் தெரிகிறது.

இதனால் டிரைவர் வேலையையும் விட்டு விட்டார். அவருக்குப் பதிலாக வேறு டிரைவர் நியமிக்கப்பட்டார்.அவருக்கு சில நாட்களாக உடல் நலம் சரியில்லை. இதனால் அவர் பணிக்கு வரவில்லை.

தேர்தல் பிரசாரத்திற்கு யாரை டிரைவராக வைத்துக் கொள்ளலாம் என்று கருணாநிதி யோசித்துக்கொண்டிருந்தபோது தனது டிரைவர் ராஜேந்திரனை அனுப்பி அபயக் கரம் நீட்டியுள்ளார் அழகிரி. பிரசாரக்கூட்டங்களில், தொண்டர்கள் வெள்ளத்தில், மிகவும் லாவகமாக காரை ஓட்டுவதாக ராஜேந்திரனை நேற்றுகருணாநிதி பாராட்டினார்.