மதுரையை கலக்கும் "மக்கள் மனசாட்சி "

மதுரை:

மதுரையில் மார்க்சிஸ்ட் கம்யூனிஸ்ட் கட்சியினர் வெளியிட்டுள்ள தேர்தல் பிரசார ஆடியோ கேசட்டான மக்கள் மனசாட்சிமக்களிடையே பெரும் வரவேற்பைப் பெற்றுள்ளது.

மதுரை நாடாளுமன்றத் தொகுதியில் மார்க்சிஸ்ட் கம்யூனிஸ்ட் கட்சி மீண்டும் போட்டியிடுகிறது. பி.மோகன் மீண்டும்வேட்பாளராக நிறுத்தப்பட்டுள்ளார். இவருக்கு ஆதரவாக மார்க்சிஸ்ட் கம்யூனிஸ்ட், திமுக, காங்கிரஸ் உள்ளிட்ட கட்சிகள்அனைத்தும் தீவிரப் பிரசாரத்தில் ஈடுபட்டுள்ளன.

குறிப்பாக கம்யூனிஸ்ட் கட்சியினர் படு தீவிரமாக பிரசாரத்தை முடுக்கி விட்டுள்ளனர். மார்க்சிஸ்ட் கம்யூனிஸ்ட் கட்சி சார்பில்தெருவோர நாடக பிரசாரம் சூடு பிடித்துள்ளது. ஏராளமான பொதுமக்கள் அந்த நாடகங்களை மிகவும் ஆர்வத்தோடு பார்த்தரசித்து வருகின்றனர்.

இந் நிலையில் மக்கள் மனசாட்சி என்ற பெயரில் ஆடியோ கேசட்டை வெளியிட்டுள்ளனர் தோழர்கள். இதில் பா.ஜ.க, அதிமுகஅரசுகளின் குறைகளை சுட்டிக் காட்டி அசத்தியுள்ளனர். தேவைப்படும் இடங்களில் பாடல்கள் அதிலும் குறிப்பாக எம்ஜிஆர்படப் பாடல்களையும் சேர்த்து தூள் கிளப்பியுள்ளனர்.

மதுரை மக்களிடையே இந்த மக்கள் மனசாட்சி பெரும் கலக்கலை ஏற்படுத்தியுள்ளது.