மேலிடத் தலைவர்களுடன் வாசன் தீவிர ஆலோசனை

டெல்லி:

தமிழக காங்கிரஸ் கட்சியின் வேட்பாளர் பட்டியலை இறுதி செய்யும் முயற்சியில் மேலிடத்தலைவர்களுடன் ஜி.கே.வாசன் தீவிர ஆலோசனையில் ஈடுபட்டுள்ளார். இன்று இரவு அல்லதுநாளைக்குள் பட்டியல் வெளியாகும் என்று எதிர்பார்க்கப்படுகிறது.

தமிழக காங்கிரஸ் கட்சியின் 8 வேட்பாளர்கள் கொண்ட இறுதிப் பட்டியலை இறுதி செய்வதில்பெரும் குழப்பம் நீடித்து வருகிறது. பல முனை கோஷ்டிகளின் முற்றுகையில் கட்சியின் மேலிடத்தலைவர்கள் குழம்பிப் போயுள்ளனர்.

ஒரு பக்கம் வாசன், இளங்கோவன் கோஷ்டியினர் கொடுக்கும் நெருக்குதலாலும் மறுபக்கம்ப.சிதம்பரம் தரும் நெருக்குதலாலும் கட்சி மேலிடம் தவியாத் தவிக்கிறது.

இந் நிலையில் தற்போது டெல்லியில் உள்ள ஜி.கே.வாசன், எஸ்.ஆர்.பாலசுப்ரமணியம், ஜெயந்திநடராஜன் ஆகியோர், வேட்பாளர் பட்டியலை இறுதி செய்வதற்காக அமைக்கப்பட்ட புதிய தேர்வுக்குழுவினரான மன்மோகன் சிங், பிரணாப் முகர்ஜி, வயலார் ரவி ஆகியோருடன் விவாதித்துவருகின்றனர்.

நேற்று தொடங்கி விவாதம் இன்றும் விவாதம் தொடர்கிறது. அனேகமாக இன்று இரவு அல்லதுநாளைக்குள் வேட்பாளர் பட்டியல் வெளியாகும் என்று எதிர்பார்க்கப்படுகிறது.