உலகின் முன்னணி 2,000 நிறுவனங்கள் பட்டியலில் 27 இந்திய நிறுவனங்கள்

நியூயார்க்:

உலக அளவில் 2,000 பெரிய நிறுவனங்கள் குறித்து ஃபோர்ப்ஸ் பத்திரிக்கை வெளியிட்டுள்ள பட்டியலில் 27இந்திய நிறுவனங்கள் இடம் பிடித்துள்ளன.

மொத்த விற்பனை, லாபம், நிறுவனத்தின் சொத்து மதிப்பு, சந்தை மதிப்பு ஆகியவற்றை அளவீடுகளாகக் கொண்டுஇந்த பட்டியல் தயாரிக்கப்பட்டுள்ளது. இந்தப் பட்டியலில் முதல் 10 இடங்களில் 7 இடங்களை அமெரிக்கநிறுவனங்களும், 2 இடங்களை பிரிட்டிஷ் நிறுவனங்களும், 1 இடத்தை ஜப்பான் நிறுவனமும் பிடித்துள்ளன.

இதில், இந்தியன் ஆயில் நிறுவனம் 243வது இடத்தைப் பிடித்து இந்திய நிறுவனங்களின் வரிசையில்முதலிடத்திலுள்ளது. இதனையடுத்து ஸ்டேட் பாங்க் ஆஃப் இந்தியா 251வது இடத்தையும், ஓ.என்.ஜி.சி. நிறுவனம்273வது இடத்தையும் பிடித்துள்ளன.

ரிலையன்ஸ் (303வது இடம்), பாரத் பெட்ரோலியம் (804), ஐசிஐசிஐ வங்கி (820), ஹிந்துஸ்தான் பெட்ரோலியம்(856), கெயில் (1,238), கனரா வங்கி (1,271), பஞ்சாப் நேஷனல் பேங்க் (1,286), ஐடிசி (1,311), இன்போசிஸ்(1,320), விப்ரோ (1,343), பேங்க் ஆப் இந்தியா (1,344), பேங்க் ஆப் பரோடா (1,358), எச்.டி.எப்.சி (1,380),ஸ்டீல் அதாரிட்டி ஆப் இந்தியா (1,393),

டாடா இரும்புத் தொழிற்சாலை (1,530), இண்டஸ்டிரியல் டெவலப்மெண்ட் பாங்க் ஆப் இந்தியா (1,555),ரான்பாக்ஸி லேப்ஸ் (1,621), யூனியன் பேங்க் ஆப் இந்தியா (1,642), நெய்வேலி லிக்னைட் (1,975), இந்தியன்ஓவர்சீஸ் பேங்க் (1,984), ஹிண்டல்கோ (1,998), ஓரியண்டல் பேங்க் ஆப் காமெர்ஸ் (2000) ஆகிய இந்தியநிறுவனங்கள் ஃபோர்ப்ஸ் பட்டியலில் இடம்பெற்றுள்ளன.

இந்த 2,000 நிறுவனங்களின் மொத்த விற்பனை 19 டிரில்லியன் அமெரிக்க டாலர்களாகும். சொத்து மதிப்பு 68டிரில்லியன் அமெரிக்க டாலர்கள். இவற்றில் மொத்தம் 64 மில்லியன் ஊழியர்கள் பணியாற்றுகின்றனர்.

உலகளவில் முதலிடத்தைப் பிடித்திருப்பது சிட்டி பேங்கின் சிட்டி குரூப் நிறுவனம்.