அதிமுக- பா.ஜ.கவுக்கு எதிராக திரளும் பீடி, சுருட்டு தயாரிப்பாளர்கள்

ஈரோடு:

பீடி, சிகரெட், சுருட்டு போன்றவற்றை பொது இடங்களில் புகைப்பதைத் தடை செய்து பிழைப்பில் மண்ணைஅள்ளிப் போட்ட அதிமுகவுக்கும், அதை நாடு முழுவதும் அமல்படுத்த திட்டமிட்டுள்ள பா.ஜ.கவுக்கும் எங்களதுஓட்டு கிடையாது என்று ஈரோடு மாவட்ட பீடி, சுருட்டு, சிகார் தயாரிப்பாளர்கள் சங்கம் அறிவித்துள்ளது.

இது தொடர்பாக அந்த சங்கத்தைச் சேர்ந்தவர்கள் கூறுகையில்,

பொது இடங்களில் புகை பிடிக்கக் கூடாது என்று அதிமுக அரசு தடை விதித்து அதை கடுமையாக அமல்படுத்திவருகிறது. இதனல் எங்களது தொழில் கடுமையாக பாதிக்கப்பட்டு வறுமையில் வாடி வருகிறோம். எனவேஅதிமுகவுக்கு நாங்கள் ஓட்டுப் போட மாட்டோம்.

இந்த தடையுத்தரவை நாடு முழுவதும் அமல்படுத்த பா.ஜ.கவும் திட்டமிட்டுள்ளது. எனவே அந்தக் கட்சிக்கும்நாங்கள் வாக்களிக்க மாட்டோம் என்றனர்.

இதைத்தான் புகைச்சல் என்பார்களோ?