36 லட்சம் ரூபாய்க்கு ராமதாஸ் மது ஆர்டர்: பாஜக திடுக்கிடும் புகார்

சென்னை:

தேர்தல் நேரத்தின்போது தனது கட்சியினருக்கும் வாக்காளர்களுக்கும் தருவதற்காக ரூ. 36 லட்சம் செலவில் மதுபானங்கள் வாங்க பாமக நநிவனர் டாக்டர் ராமதாஸ் புதுவையில் உள்ள ஒரு நிறுவனத்தில் ஆர்டர்கொடுத்துள்ளதாக தமிழக பாஜக திடுக்கிடும் தகவல் வெளியிட்டுள்ளது.

தமிழக பாஜக செய்தித் தொடர்பாளர் கண்ணன் இது குறித்து செய்தியாளர்களிடம் கூறியதாவது:

தேர்தல் நேரத்தின்போது பாமகவினருக்கும், வாக்காளர்களுக்கும் கொடுப்பதற்காக ரூ. 36 லட்சம் செலவில்மதுபானங்களை வாங்க பாமக நிறுவனர் டாக்டர் ராமதாஸ் புதுவையில் உள்ள மதுபான நிறுவனம் ஒன்றிடம்ஆர்டர் கொடுத்துள்ளார்.

மதுபானம் ஒருபுறம் இருக்க வன்முறையையும் தனது அரசியல் முறையாக பின்பற்றி வருகிறார் ராமதாஸ்.

அவருக்கு பாஜக விடுக்கும் ஒரே கோரிக்கை, வன்முறை, குறுக்கு வழி அரசியலை விட்டு விட்டு ஜனநாயகவழியில் அரசியல் நடத்த வேண்டும் என்பது தான்.

மதுரையில் ரஜினிகாந்த் ரசிகர்கள் மீது பாமகவினர் கொலைவெறித் தாக்குதல் நடத்தியிருப்பது மிக வன்மையாககண்டிக்கத்தக்கது என்றார்.