வாரிசுகள் முன்னேற்றக் கூட்டணி: திமுகவை "வாரும்" ராஜா

கோவை:

திமுக தலைமையிலான கூட்டணிக்கு ஜனநாயக முற்போக்குக் கூட்டணி என்று பெயர் வைப்பதை விட வாரிசுகள்முன்னேற்றக் கூட்டணி என்று வைத்திருந்தால் பொருத்தமாக இருக்கும் என்று தமிழக பாஜக பொதுச் செயலாளர்எச்.ராஜா கூறியுள்ளார்.

சமீபகாலமாக திமுக தலைவர் கருணாநிதியை கிண்டலடித்து விமர்சித்து வருகிறார் ராஜா. முத்தமிழ் வித்தகர் என்றுகூப்பிடுவதற்குப் பதில் முத்தமிழ் வித்தவர் என்றுதான் கருணாநிதியை கூப்பிட வேண்டும் என்று கடுமையாகவிமர்சித்திருந்தார்.

இந் நிலையில் திமுக தலைமையிலான கூட்டணியை அவர் கிண்டலடித்துள்ளார். கோவையில் அவர் பேசுகையில்,சோனியா காந்தி அவரது மகன் ராகுல் காந்தியை வாரிசாக்கி உள்ளார். கருணாநிதி அவரது பேரன் தயாநிதியைமுன்னேற்றப் பார்க்கிறார், ராமதாஸும் அவரது பங்குக்கு மகன் அன்புமணியை அரசியல் வாரிசாக்கி உள்ளார்.

எனவே இந்தக் கூட்டணியை வாரிசுகள் முன்னேற்றக் கூட்டணி என்று அழைப்பதுதான் சரியானதாக இருக்கும்என்றார் ராஜா.