ராமதாஸை "கலாய்க்கும்" கோவை ரஜினி ரசிகர்கள்

கோயம்புத்தூர்:

கோவை ரஜினி ரசிகர்களின் வித்தியாசமான பிரசாரம் கோவை மக்களை கவர்ந்து வருகிறது.

கோவையில் போட்டியிடும் பாஜக வேட்பாளர் சி.பி.ராதாகிருஷ்ணனுக்கு ஆதரவாக ரஜினி ரசிகர்கள் தீவிரப்பிரசாரத்தில் ஈடுபட்டுள்ளனர். இங்கு பாஜகவுக்கும், கம்யூனிஸ்ட் கட்சிக்கும்தான் போட்டி என்றாலும் கூட பாமகதலைவர் டாக்டர் ராமதாஸை கடுமையாக விமர்சித்தே ரஜினி ரசிகர்கள் பிரசாரம் செய்து வருகிறார்கள்.

மாவட்ட ரஜினி ரசிகர்கள் சார்பில் ஒரு சுவரொட்டி தயாரிக்கப்பட்டுள்ளது. அதில் இடம் பெற்றுள்ள வாசகங்கள்மக்களைக் கவர்ந்துள்ளது. இதுதான் அந்த வாசகம்: ராமதாஸுக்கு 5 சீட் கொடுங்கள், வாஜ்பாயை பிரதமராகஏற்பார். 6 சீட் கொடுங்கள் சோனியாவை பிரதமராக ஏற்றுக் கொள்வார்.

10 சீட் கொடுங்கள், முஷாரப்பையே பிரதமராக ஏற்றுக் கொள்வார். 15 சீட் கொடுத்துப் பாருங்கள் ஜார்ஜ் புஷ்ஷைஇந்தியாவின் பிரதமராக்க உறுதி பூணுவார் என்று போகிறது சுவரொட்டி வாசகம்.