செல்போனில் தேர்தல் முடிவுகள்

சென்னை:

நாடாளுமன்றத் தேர்தல் முடிவுகளை செல்போன் மூலம் உடனுக்குடன் தெரிந்து கொள்ளும் வசதியைபி.எஸ்.என்.எல். நிறுவனம் தனது வாடிக்கையாளர்களுக்கு வழங்கவிருக்கிறது.

வாடிக்கையாளர்களைக் கவர்வதற்காக செல்போன் நிறுவனங்கள் கவர்ச்சிகரமான பல்வேறு வசதிகளையும்,சலுகைகளையும் நாளுக்கு நாள் அறிவித்த வண்ணம் உள்ளன.

இந்திய கிரிக்கெட் அணி பாகிஸ்தானில் சுற்றுப் பயணம் மேற்கொண்ட போது ஒரு தின ஆட்டங்களின் ஸ்கோர்நிலவரத்தை பி.எஸ்.என்.எல் நிறுவனம் உடனுக்குடன் தனது வாசகர்களுக்கு அறிவித்தது.

அதேபோல் இப்போது மக்களவைத் தேர்தல் முடிவு விவரங்களையும் உடனுக்குடன் தர பி.எஸ்.என்.எல். நிர்வாகம்முடிவு செய்து அதற்கான ஏற்பாடுகளை செய்து வருகிறது.

தமிழகம், புதுவையில் 40 தொகுதிகளிலும் வாக்கு நிலவரம், தேசிய அளவில் முக்கிய கட்சிகள் பெற்றுள்ளஇடங்கள், முக்கியத் தலைவர்கள் பெற்ற வாக்குகள் குறித்த தகவல்களை பி.எஸ்.என்.எல். செல்போன் மூலம் மே13ம் தேதி அறியலாம்.