வீடியோ மூலம் அதிமுகவுக்கு பதில் அளிக்கும் அய்யர்!

மயிலாடுதுறை:

காவிரிப் பிரச்சினையில் தான் ஆற்றிய பங்கு குறித்து விவரிக்கும் வீடியோ படத்தை மயிலாடுதுறை காங்கிரஸ்வேட்பாளர் மணிசங்கர் அய்யர் தயாரித்து தொகுதியின் பல்வேறு பகுதிகளிலும் திரையிட உள்ளார்.

காவிரிப் பிரச்சினையில் மணிசங்கர் அய்யர் என்ன செய்தார் என்று அதிமுக வேட்பாளர் ஓ.எஸ்.மணியனும்,அதிமுகவினரும் போகும் இடமெல்லாம் கேள்வி எழுப்பி வருகிறார்கள். காவிரி பாசனப் பகுதியானமயிலாடுதுறை மக்களிடையே இந்த கேள்வி அதிக விவாதத்தை எழுப்பி உள்ளது.

இதனால் காங்கிரஸ் வட்டாரம் சுதாரிப்படைந்துள்ளது. காவிரிப் பிரச்சினையில் மணிசங்கர் அய்யர்நாடாளுமன்றத்தில் ஆற்றிய விவாதங்கள், தனியார் தொலைக்காட்சி ஒன்றில் காவிரி தொடர்பான விவாதத்தில்கலந்து கொண்டது, பத்திரிக்கைகளில் வந்த செய்திகள் ஆகியவற்றை தொகுத்து வீடியோ படம் ஒன்றை அய்யர்தயாரித்துள்ளார். இதேபோல, விசிடி ஒன்றையும் அவர் தயாரித்துள்ளார்.

காவிரிப் பிரச்சினையில் தான் ஆற்றிய பங்கை இந்த இரு வீடியோ படங்களும் தொகுதி மக்களுக்கு விவரிக்கும்,அதிமுகவின் கேள்விகளுக்கு பதிலாக அமையும் என்று அய்யர் தரப்பு கூறுகிறது. தொகுதிக்குட்பட்ட பல்வேறுகிராமங்களிலும் இவற்றை திரையிடப் போகிறார்கள்.