காங்கிரஸ் இட்லி!
சென்னை:
சென்னையில் உள்ள தமிழக காங்கிரஸ் கட்சியின் தலைமை அலுவலகமான சத்தியமூர்த்தி பவனுக்கு எதிரே உள்ள கடைகளில்காங்கிரஸ் கட்சி இட்லி படு பிரசித்திமாகி வருகிறது.
தேர்தல் காலமாக இருப்பதால் கட்சி அலுவலகங்களுக்கு அருகே இருக்கும் ஹோட்டல்கள், டீக் கடைகளில் வியாபாரம் சூடுபிடித்துள்ளது.
இதில் சத்தியமூர்த்தி பவனுக்கு எதிரே உள்ள ஒரு ஹோட்டல் படு வித்தியாசமாக தனது பிசினஸை நடத்துகிறது. இங்கு காங்கிரஸ்இட்லி படு பிரபலமாகியிருக்கிறது.
காங்கிரஸ் இட்லி என்றவுடன் ஒரே இட்லியை பல இட்லிகளாக (கோஷ்டிகளாகப்) பிய்த்துப் பிரித்து தருவார்களோ என்றுநினைக்க வேண்டாம்.
வழக்கமான இட்லியுடன், பச்சை, காவி, வெள்ளை நிறச் சட்னியை வைத்துக் கொடுப்பதுதான் காங்கிரஸ் இட்லி. பச்சை நிறத்திற்குபுதினா சட்னி, காவி நிறத்திற்கு தக்காளி சட்னி, வெள்ளைக்கு தேங்காய் சட்னி.
வெள்ளை வேட்டி, சட்டையில் காங்கிரஸ் தொண்டர்கள் போல யாராவது ஹோட்டலுக்கு வந்தால் போதும், உடனே காங்கிரஸ்இட்லியைக் கொண்டு வந்து வைத்து தலையில் கட்டிவிடுகிறார்கள்.