கமுதியில் ஜக்குபாய் பேனர் அகற்றம்: ரசிகர்கள் ஆவேசம்

கமுதி:

கமுதியில் ரஜினியின் ஜக்குபாய் படத்துக்கு வைக்கப்பட்டிருந்த விளம்பர துணி பேனரை கிராம நிர்வாக அலுவலர்அகற்றியதால் பதற்றம் ஏற்பட்டது.

கமுதி மெயின் பஜார் நார்க்காரத் தெருவில், "உழைப்பாளி ரஜினிகாந்த் ரசிகர்கள் நற்பணி மன்றத்தின் சார்பில்ஜக்குபாய் படத்துக்கு துணி விளம்பர பேனர் கட்டியிருந்தனர். கூடவே தேர்தல் தொடர்பான வாசகங்களும்இடம் பெற்றிருந்தன.

இந்த ரஜினி விளம்பரம், தேர்தல் பிரசார விதிமுறைகளை மீறிய செயல் என்று கூறி அந்த துணி பேனரை கிராமநிர்வாக அலுவலர் அகற்றினார். இதனால் ரஜினி மன்றத்தினர் ஆவேசமடைந்தனர்.

இதுகுறித்து புகார் செய்ய வட்டாட்சியர் அலுவலகத்திற்கு ரஜினி ரசிகர்கள் சென்றனர். அங்கு து துணைவட்டாட்சியர் அண்ணாமலையிடம் புகார் தந்தனர். தேர்தல் தொடர்பான வாசகங்கள் இருப்பதால் தான் பேனரைஅகற்ற அதிகாரிகள் உத்தரவிட்டதாகவும் தேர்தலுக்குப் பின் ரஜினி விளம்பர பேனரை தாராளமாய்கட்டிக்கொள்ளலாம் என்றும் அவர் கூறினார்.

இதை ரசிகர்கள் ஏற்றுக்கொண்டனர். இதனையடுத்து விளம்பர துணி பேனர் ரஜினி மன்றத்தினரிடம் தரப்பட்டது.