ஆனந்தராஜுக்கு வந்த சோதனை!

பாண்டிச்சேரி:

நடிகர் ஆனந்தராஜ் பாண்டிச்சேரி பாஜக வேட்பாளர் லலிதா குமாரமங்கலத்தை ஆதரித்து ரஜினி ரசிகர்களுடன் சேர்ந்து பிரசாரம்செய்தார். வாக்காளர் பட்டியலில் இவரது பெயரே இல்லை என்பது இன்னொரு தனி ட்ராக்.

புதுவையைச் சேர்ந்த வில்லன் நடிகர் ஆனந்தராஜ், அங்கு தனித்துப் போட்டியிடப் போவதாக அறிவித்தார். போட்டியில் இருந்துவிலக பாமக வேட்பாளருக்கு கெடுவும் விதித்தார்.

ஆனால் விதி வேறு ரூபத்தில் விளையாடியது. புதுவையிலும் சரி, தமிழகத்திலும் சரி எங்குமே அவரது பெயர் வாக்காளர்பட்டியலில் இல்லை. இதனால் அவரால் ஒட்டு போட முடியாத நிலை மட்டுமல்ல, தேர்தலில் போட்டியிடவும் முடியாது என்றநிலை ஏற்பட்டது.

இதையடுத்து ரஜினி ரசிகர்களுடன் சேர்ந்து பாஜகவுக்கு ஆதரவு தெரிவித்தார் ஆனந்தராஜ்.

ரஜினி ரசிகர்களின் ரத யாத்திரைப் பிரசாரத்தில் ஆனந்தராஜும் வலியச் சென்று ஏறிக் கொண்டு லலிதா குமாரமங்கலத்திற்குஆதரவு கேட்டார்.